پوختە
پێشاندانی گشتی
مامۆستا ڕەنو عبدالواحد محمد صالح خاوەنی بڕوانامەی بەکالۆریۆسە لە کۆلێجی دەرمانسازی زانکۆی سلێمانی وە لە ئێستادا خوێندکاری کۆتا ساڵی ماستەرە لە بەشی زانستە بنەڕەتییەکان /لە بواری فیسیۆلۆجی مرۆڤ، لە کۆلێژی پزیشکی زانکۆی سلێمانی.
لە مانگی تەمموزی ساڵی ٢٠٢٢ەوە لە زانکۆی قەیوانی نێودەوڵەتی وەک یاریدەدەری تاقیگە دەستبەکارە و لە ئێستادا لە پۆستی ڕێکخەری تاقیگە پزیشکییەکان خزمەت دەکات. لەم ڕۆڵەدا، سەرپەرشتی ڕێکخستن و دڵنیابوون لە ستانداردە کوالیتی بەرزەکانی تاقیگەکانی زانکۆمان دەکات لە سەرانسەری پرۆگرامە پزیشکییەکاندا.
هەروەها لە ئێستادا ئەندامێکی کارای لیژنەی کڕینی زانکۆی قەیوانی نێودەوڵەتییە وە پێشتر لە لیژنەی تاقیکردنەوەی فاکەڵتی دەرمانسازیدا وەک ئەندامێکی کارا خزمەتی کردووە.
جگە لە بەرپرسیارێتییە کارگێڕییەکانی، بەشداری دەکات لە وانەوتنەوە لە بوارەکانی فیسیۆلۆجی ، ئەناتۆمی، و دەرمانسازی کلینیکی.
وەک مامۆستایەک لە بوارەکەی خۆیدا ، هەمیشە لە هەوڵدایە بۆ پاراستنی کوالێتی خوێندن و پەیڕەو کردنی ستانداردە بەرزەکانی زانکۆی دایک لە تاقیگەکانی زانکۆی قەیوانی نێودەوڵەتی.